როგორ იქცევით, როცა მოგზაურობა ძალიან, ძალიან გენატრებათ? 😔

ჩვენ ვირტუალურად ვმოგზაურობთ-ვკითხულობთ ბლოგებს მოგზაურობაზე, ვუყურებთ ვიდეოებს, ვათვალიერებთ საოცნებო მიმართულებების ფოტოებს Instagram-ზე..

მინდა გაგიზიაროთ რამდენიმე Youtube არხი, რომელიც მოგზაურობას ეძღვნება და სასურველი მიმართულების შესარჩევად, ტურის დასაგეგმად თუ მოგზაურობის ნოსტალგიის გასაფანტად ერთნაირად იდეალურია:

Sorelle Amore-მოგზაური და ფოტოგრაფი სორელი იმდენად მომაჯადოებელია, რომ მიუხედავად იმისა, რომ მოგზაურობა მისი ბლოგის მთავარი თემა არაა, ჩვენი სიის უპირობო ლიდერია. შეუძლებელია მისმა ვიდეოებმა არ შთაგაგონოთ და შეგმატოთ მოგზაურობის და ზოგადად, ცხოვრების ენერგია.

 

 

Rick Steves-თუ მოგზაურობის უფრო ტრადიციული ვიდეოები გიყვართ, მაშინ რიკ სტივსი საუკეთესო არჩევანია. მისი ვიდეოები მოიცავს ღირსშესანიშნაობებს, ისტორიას, კულინარიას-იმ ყველაფერს, რასაც საუკეთესო გიდები გვიყვებიან ხოლმე მოგზაურობისას. რიკს 50-ზე მეტი ძალიან პოლულარული წიგნი აქვს მოგზაურობაზე დაწერილი, ასევე სატელევიზიო შოუს-Rick Steves’ Europe-ს უძღვება.

The Planet D-დეივი და დები მოგზაურობის მოყვარული წყვილია. მათ უკვე 110-ზე მეტ ქვეყანაში იმოგზაურეს და ძალიან მაღალი ხარისხის კონტენტს ქმნიან.

Attaché-თუ გინდათ სწრაფად შეიქმნათ წარმოდგენა ტრანსპორტის, ფასების, ადგილობრივი ეტიკეტის, საკვები ობიექტების შესახებ-Attaché იდეალური არჩევანია.

Evan Edinger Travel– Evan Edinger-ი სულ ახლახანს აღმოვაჩინე. ძალიან სახალისო, მოკლე ვიდეოები აქვს, თან ჰარი პოტერი უყვარს. მგონი ამით ყველაფერი ნათქვამია

 

თქვენც გაგვიზიარეთ თქვენი საყვარელი მოგზაური ბლოგერები, ან თქვენი გადაღებული მოგზაურობის ვიდეოები-სულ ცოტა ხანიც ვიმოგზაუროდ ვირტუალურად.

 

საუკეთესო სურვილებით,

თათია სუხიტაშვილი

ზაკინტოსი – ეს საოცარი ადგილი გახლავთ საბერძნეთის კუნძული, რომელიც ერთ-ერთ მოთხოვნად ტურისტულ მიმართულებად იქცა ბოლო წლების მანძილზე. აქ შეგიძლიათ იხილოთ მრავალფეროვანი და ეგზოტიკური სანაპიროები, თუმცა მხოლოდ ეს არ წარმოადგენს ზაკინტოსის მთავარ ღირსებას ტურისტებისთვის. როგორცვე მოინახულებთ გრძელ ქვიშიან სანაპიროებს და გაემგზავრებით კუნძულის დარჩენილი ნაწილის აღმოსაჩენად, თქვენ აუცილებლად იხილავთ თვალწარმტაც ბუნებას, ტრადიციულ პატარ-პატარა სოფლებს და ძველ მონასტრებს.

მომაჯადოვებელი ცისფერი ყურეები
თქვენ აუცილებლებლად აღმოაჩენთ თვალისმომჭრელ სანახაობას, როდესაც ესტუმრებით კუნძულის ჩრდილოეთ ნაწილს. ცისფერი მღვიმეები გახლავთ ერთ-ერთი ყველაზე პოპულარული და მონახულებადი ადგილებია ზაკინტოსზე, რომელსაც შეგიძლიათ ესტუმროთ საზღვაო ტრანსპორტით ან საექსკურსიო ტურების მეშვეობით, რომელიც ხორციელდება კუნზულზე.

ცისფერი ყურეებიდან ყველაზე ცნობილია პლაჟი „ნავაგიო“ . ეს არის ყველაზე მონახულებადი ადგილი კუნძულზე, რომელიც ზაკინტოსის სავიზიტო ბარათს წარმოადგენს. მას ჩაძირული გემის სახელითაც მოიხსენიებენ. საოცარი პლაჟი „ნავაგიო“ წარმოადგენს კუნძულის სიმბოლოს. ულამაზესი თეთრი კენჭოვანი პლაჟი და ლაჟვარდოვანი წყალი ხდის ამ ადგილს ერთ-ერთ ყველზე ეგზოტიკურ და დასამახსოვრებელ ადგილს მსოფლიოში. ამ პლაჟზე მოხვედრა შესაძლებელია მხოლოდ საზღვაო ტრანსპორტით. გარდა ნავაგიოს პლაჟისა, თქვენ შეგიძლიათ ეწვიოთ კუნძულის სხვა სანაპიროებს, რომლებიც არანაკლები სილამაზით გამოირჩევიან. ესენია: გერაკასი, კალამაკი, აგიოს ნიკოლაოსი, პორტო ზორო, ბანანა და სხვა მარავალი. კუნძულის ჩრდილო-დასავლეთ ნაწილი კი იდეალურია ექტრემალური სპორტის _ ბეიზ-ჯამფინგის მოყვარულთათვის.

სიცოცხლით სავსე ლაგანასი და ცილივი

ლაგანასი წარმოადგენს ერთ-ერთ ყველაზე აქტიურ ადგილს ზაკინტოსზე, რომელიც პოპულარურია, როგორც ახალგაზრდული, ასევე ოჯახური დასვენებისთვისაც. ის მდებარეობს კუნძულის სამხრეთ ნაწილში და ცნობილია როგორც ადგილი სადაც შეგიძლიათ ნახოთ გადაშენების პირას მყოფი „Caretta-Caretta“ კუები და დატკბეთ უზარმაზარი სანაპირო პლაჟით. ლაგანასი ასევე ცნობილია აქტიური ცხოვრებითა და კლუბების სიმრავლით.

რაც შეეხება კურორტ ცივილის, ის საკმაოდ პოპულალარულ ადგილს წარმოადგენს კუნძულზე. აქ საკმაოდ განვითარებულია ტურისტული ინფრასტრუქტურა და მრავლადაა მდიდრული სასტუმროები თუ რესტორნები. ცივილი საუცხოო ადგილია შესანიშნავი პლაჟითა და ოქროსფერი ქვიშით, წყლის სპორტის ნაირსახეობებით, აქტიური ღამის ცხოვრებით და შესანიშნავი პეიზაჟებით.

ადგილობრივი ტრადიციული სამზარეულო

ზაკინტოსზე მოგზაურობისას აუცილებლად უნდა დააგემოვნოთ ტრადიციული ბერძნული სამზარეულო. კუნძულზე თქვენ შეხვდებით რესტორნებსა და ტავერნებს, სადაც შეძლებთ მიირთვათ ტრადიციული კერძები, რომელთა შორისაა კერძი „SPETSOFAI“ , ის ერთ-ერთ უგემრიელეს კერძად არის მიჩნეული კუნძულზე. თუმცა თქვენ თუ უპირატესობას ანიჭებთ უფრო ჩვეულებრივ, უბრალო კერძებს ამ შემთხვევაში ბერძნული სალათები სწორედ თქვენთვისაა.

რაც შეეხება დედაქალაქ ზაკინტოსს ის კუნძულის ცენტრს წარმოადგენს. აქ სახლები და შენობები აშენებულია ტრადიციულ ვენეციურ სტილში . აქ მდებარე აგიოს ნიკოლაოს ტაძარიც სწორედ ვენეციურ სტილშია წარმოდგენილი, რომელიც 1953 წლის მიწისძვრას გადაურჩა და მოგვიანებით რეკონსტრუქციაც ჩაუტარდა. ტურისტებისთვის საინეტერესო და აღსანიშნავი ადგილებია ასევე ზაკინტოსის სასახლის ნანგრევები , აგიოს დიონისიოს ტაძარი , აგიოს მარკოს ტაძარი, სოლომოს ეთნოგრაფიული მუზეუმი, რომელიც მდებარეობს აგიოს მარკოს მოედანზე.
ქალაქი გთავაზობთ მრავალფეროვან აქტივობებს, თავშესაქცევ ადგილებსა და ღამის ცხოვრებას მყუდრო ბარებითა და კლუბების სახით . ამ მხრივ სოლომონის მოედანი წარმოადგენს ერთ-ერთ ყველაზე პოპულარულ თავშეყრის ადგილს როგორც ტურისტებისთვის ისე ადგილობრივი მოსახლეობისათვის.

კუნძულ ზაკინტოსზე საკმაოდ ბევრი გასართობი თუ ღირშესანიშნავი ადგილებია, რომელიც ნამდვილად დაუვიწყარს გახდის თქვენს მოგზაურობას, ამიტომ თუ თქვენ ეძებთ კურორტს საზაფხულო დასვენებისთვის ზაკინტოსი ზუსტად ის ადგილია რომელსაც უნდა ესტუმროთ.

ხშირად გვეკითხებიან: რა არის ტურისტებზე დაწესებული გადასახადი, city tax? ამ სტატიაში ყველა კითხვას ვუპასუხებთ, რაც შეიძლება ამ საკითხზე გაგაჩნდეთ.
მაშ, ასე-20 წელზე მეტია ევროპის ქალაქების უმეტესობა ტურისტებს დამატებით გადასახადს ახდევინებს. თუმცა, შეიძლება ეს გადასახადი ვერც შეგენიშნათ, რადგან საკმაოდ დიდ ხანს სასტუმროს ჯამურ თანხაში შედიოდა. ბოლო რამდენიმე წელია რაც ტურისტებზე დაწესებული გადასახადი ცალკე გამოიყო. თანხის გადახდა ძირითადად ადგილზე, სასტუმროს დატოვებისას ხდება.
რატომ იხდით გადასახადს? – City Tax ზოგიერთ ქვეყანასა და ქალაქში არასახარბიელო ეკონომიკური მდგომარეობის გამო დაწესდა.
როგორ იყენებს მთავრობა City Tax-ს? – გადასახადს ქალაქის მუნიციპალიტეტი აწესებს და ისვე განკარგავს. უმეტეს შემთხვევაში ტურისტებზე დაწესებული გადასახადი ტურისტული ინფრასტრუქტურის გაუმჯობესებისათვის გამოიყენება.
სად გადავიხდით?-ტურისტებზე დაწესებულ გადასახადს იხდით სასტუმროში, ჰოსტელში, გესთჰაუსში, და ზოგადად, ნებისმიერი ტიპის საცხოვრებელში, რომელიც ტურისტებზე ქირავდება.
რამდენს გადაიხდით?-თანხის ოდენობა განსხვავდება ქალაქების და ასევე სასტუმროს ვარსკვლავების ოდენობით მიხედვით. გთავაზობთ ყველაზე პოპულარულ ქალაქებში 3*-იან სასტუმროებში არსებული გადასახადის ოდენობას. ფასი მოცემულია ერთ ღამეში, ერთი ადამიანისთვის.

რომი-4 ევრო
პარიზი-1.88 ევრო
მილანი-4 ევრო
ბარსელონა-0.75 ევრო
პრაღა-0,5 ევრო
10 წლამდე ასაკის ბავშვები ამ გადასახადს არ იხდიან.

შეჯამება-ტურისტებზე დაწესებული გადასახადი მსოფლიოს ბევრ ქალაქში შეგხვდებათ და სავსებით ლეგალურია. ოდენობა ქალაქების მიხედვით განსხვავდება და წლიდან წლამდე იცვლება. ამ ეტაპზე მაქსიმალური გადასახადი ერთ ღამეში 5 ევროა. უმეტეს შემთხვევაში აღნიშნული გადასახადი ტურისტული ინფრასტრუქტურის გაუმჯობესებისთვის გამოიყენება.

 

იტალია-მოგზაურებისათვის განსაკუთრებით საყვარელი ქვეყანა ამოუწურავი ტურისტული
პოტენციალით. რთულია მის მომაჯადოებელ ქალაქებს შორის არჩევანის გაკეთება, ამიტომ
შევადგინეთ კლასიკური იტალია-ტური, რომელიც იტალიის 4 ყველაზე პოპულარულ ქალაქს
მოიცავს და იდეალური კომბინაციაა პირველი ვიზიტისთვის.
ზამთარი იტალიაში მოგზაურობისთვის ძალიან კარგი პერიოდია, საქართველოსთან
შედარებით მაღალი ტემპერატურაა და ტურისტების ოდენობაც ოდნავ ნაკლებია. ფასებიც
უფრო დაბალია, ვიდრე გაზაფხულსა და შემოდგომაზე-იტალიაში მოგზაურობის ყველაზე
პოპულარულ სეზონებზე.
ტურის დაგეგმვა სხვადასხვა თარიღებისთვისაა შესაძლებელი, თუმცა ნიმუშად 3-12
თებერვალს გთავაზობთ. ტური ათდღიანია და მოიცავს მილანს, ვენეციას, ფლორენციას და
რომს.

იხილეთ ტური: კლასიკური იტალია თებერვალში

3 თებერვალს, დილის 6:35-ზე ქუთაისის აეროპორტიდან პირდაპირი რეისით გაემგზავრებით
მილანისკენ. ფრენა 4 საათი და 25 წუთი გრძელდება და იტალიის დროით 8 საათზე უკვე
მილანის მალპენსას აეროპორტში იქნებით. აეროპორტიდან ქალაქის ცენტრალურ
სადგურამდე ავტობუსები დადის, საშუალო ფასი 8 ევრო, მგზავრობის ხანგრძლივობა კი 1-1,5
საათი გახლავთ. სასტუმროც სადგურთან საკმაოდ ახლოს შევარჩიეთ, საიდანაც ყველა
ღირსშესანიშნაობის მონახულება გაგიადვილდებათ. მილანში ერთ სრულ დღეს გაატარებთ და
4 თებერვალს გაემგზავრებით ვენეციაში. გადაადგილება ჩქაროსნული მატარებლით გვაქვს
გათვალისწინებული, ვინაიდან მოგზაურობისას თითოეული დაზოგილი საათი
მნიშვნელოვანია. მგზავრობის ხანგრძლივობა-2 სთ 20 წთ.

ვენეციაში ცენტრალურ სადგურზე ჩახვალთ, საიდანაც ქალაქის ცენტრში მდებარე
სასტუმრომდე ფეხით მოკლე ხანში შეძლებთ მისვლას. ვენეციაში ორი დღე გავითვალისწინეთ
რომ მურანოსა და ბურანოს დათვალიერებაც მოასწროთ.

6 თებერვალს ვენეციიდან ფლორენციისკენ გაემგზავრებით, მგზავრობის ხანგრძლივობა ამ
შემთხვევაშიც 2 სთ 20 წთ-ია. ფლორენციაშიც სრული ორი დღე გექნებათ, რაც ფლორენციის
კარგად დასათვალიერებლად და შესაძლოა პიზაში რამდენიმესაათიანი გასეირნებისთვისაც
საკმარისი იქნება. განსაკუთრებით დიდი რიგია აკადემიის გალერიის ბილეთებზე, ამიტომ
შეგიძლიათ წინასწარ ჩვენი დახმარებით შეიძინოთ.

ტურს რომი დააგვირგვინებს, სადაც 8 თებერვალს გაემგზავრებით. ფლორენციიდან რომში
მგზავრობას ჩქაროსნული მატარებლით 1 სთ და 40 წთ დასჭირდება. რომი ამოუწურავია,
მაგრამ ვფიქრობთ 4 დღე ძირითადი სანახაობების დასათვალიერებლად საკმარისი იქნება. არ
დაგავიწყდეთ თითქმის სრული დღე ვატიკანში ვიზიტისთვის გაითვალისწინოთ. ვატიკანის
მუზეუმის ბილეთებიც შეგიძლიათ ჩვენთან შეიძინოთ და რიგში დგომის რამდენიმე საათი
დაზოგოთ.
12 თებერვალს რომის ფიუმიჩინოს აეროპორტიდან 16:50-ზეა გამომგზავრება. აეროპორტის
ავტობუსი ცენტრალური სადგურიდან გადის, მგზავრობის საშუალო ხანგრძლივობა 1-1,5
საათია, ფასი-6 ევრო. ფრენის ხანგრძლივობა-3 სთ და 40 წუთი, 23:30-ზე უკვე ქუთაისის
აეროპორტში იქნებით. აქვე აღვნიშნავთ, რომ ვთანამშრომლობთ Omnibus-თან და Georgianbus-
თან და შეგვიძლია თბილისიდან ქუთაისის აეროპორტამდე და პირიქით მგზავრობის
ბილეთებიც შემოგთავაზოთ.

იხილეთ ტური: კლასიკური იტალია თებერვალში

სტამბოლი-წელიწადის ნებისმიერ დროს მომხიბვლელია. თურქული ტკბილეული,
მდიდარი კულტურა და განსხვავებული არქიტექტურა იშვიათად ტოვებს ვინმეს
გულგრილს. ამ ტურს კიდევ უფრო კომფორტულს ხდის პირდაპირი ფრენა
თბილისიდან, თან რეისები ისეთ დროს არის დანიშნული, რომ ჩაფრენის და
გამოფრენის დღეებს სრულად გამოიყენებთ. 20 იანვარს დილის 7 საათზე უკვე
სტამბოლში იქნებით, 23 იანვარს 23 საათზე დატოვებთ ქალაქს. სასტუმროც ისეთ
ადგილას შევარჩიეთ, რომ სანახაობებამდე მისასვლელად მცირე დრო დაგჭირდეთ.
ტურის ღირებულება 500 ლარია ერთი ადამიანისთვის და ფასში ბონუსად გემრიელი
საუზმეც შედის. დაწვრილებითი დეტალებისთვის ეწვიეთ ბმულს:
დამატებითი რჩევა-თქვენი მოგზაურობა რომ კიდევ უფრო განსაკუთრებული გახდეს,
ბოსფორის სრუტეზე კრუიზით გაისეირნეთ. გემები Eminönü-ს სადგურიდან გადის,
საშუალო ფასი კი 20 ლირაა (დაახლოებით 9 ლარი)

იმოგზაურეთ სტამბოლში 500 ლარად

ფლორენცია-ქუთაისიდან ბოლონიისკენ ფრენების დამატებამ იტალიის ეს
განუმეორებელი ქალაქი ძალიან ხელმისაწვდომი გახადა. გთავაზობთ ფლორენციის
ტურს 21-25 იანვრის პერიოდში. 21 იანვარს დილით უკვე ბოლონიის აეროპორტში
იქნებით, საიდანაც შეგიძლიათ ან პირდაპირ ფლორენციაში გაემგზავროთ, ან
რამდენიმე საათი ბოლონიის დათვალიერებას დაუთმოთ. 25 იანვარს შუადღის 3
საათზეა გამომგზავრება, ამიტომ ფლორენციაში სრული 4 დღე გექნებათ. 4 დღეში
მინიატურულ ფლორენციას რამდენჯერმე შემოივლით (მერწმუნეთ, გენდომებათ ერთი
და იმავე ადგილის ბევრჯერ ნახვა) და პიზის ერთდღიანი ტურისთვისაც დაგრჩებათ
დრო. სასტუმრო აქაც ქალაქის ცენტრში შევარჩიეთ რომ ყველა სანახაობამდე ფეხით
მისვლა შეძლოთ, საუზმეც შესულია. ტურის ღირებულება 455 ლარია, დეტალები
ბმულზე.
დამატებითი რჩევა-აუცილებლად დატკბით ფლორენციის პანორამული ხედით Piazzale
Michelangelo-დან და ეწვიეთ Boboli-ბაღებს.

იმოგზაურეთ ფლორენციაში 455 ლარად

პრაღა-ამოუწურავი, მისტიკური, ზღაპრული-ეს ის ასოციაციაა, რაც პრაღაში ვიზიტისას
აუცილებლად გაგიჩნდებათ. ბოლო წლებში პრაღაში უამრავი ტურისტია, მაგრამ თუ
იანვარში გაემგზავრებით, ტურისტების ოდენობა შედარებით ნაკლები იქნება და უკეთ
შეიგრძნობთ ქალაქს. განსაკუთრებით კარგი ფასია 25-28 იანვარს, 3 ღამე და სამი დღე
გამოდის, რაც სავსებით საკმარისია იმისთვის, რომ ძველი ქალაქის არქიტექტურით
დატკბეთ, ცხელი გლინტვეინი და ტრედელნიკები დააგემოვნოთ და მიხვდეთ, რომ ამ
ქალაქში კიდევ ბევრჯერ დაბრუნდებით. სასტუმრო ამ შემთხვევაშიც ცენტრალურ
უბანში შევარჩიეთ, ფასში საუზმეც შედის. ტურის ღირებულება 500 ლარი გახლავთ,
დეტალები:
დამატებითი რჩევა-დაათვალიერეთ Prague Castle და დატკბით ქალაქის პანორამული ხედით
Prague Castle-სთან მდებარე Starbucks-დან. აიღეთ ქალაქის უფასო საფეხმავლო ტური-
ადგილობრივი გიდები მრავალ საინტერესო ამბავს მოგიყვებიან, მათ შორის პრაღის
დეფენესტრაციებზე.

იმოგზაურეთ პრაღაში 500 ლარად.

10:45 Piazza San Marco/ St. Mark’s Square/წმინდა მარკის მოედანი

ვიზიტის ხანგრძლივობა: 1 სთ.

სან მარკოს მოედანზე აკადემიის გალერიიდან ფეხით 13 წუთში მოხვდებით. მოედანი ქალაქის ცენტრალურ ნაწილშია მოთავსებული და როგორც ადგილობრივების, ისე ტურისტების თავშეყრის ადგილს წარმოადგენს. იგი საუკუნეების მანძილზე მნიშვნელოვან როლს ასრულებდა ვენეციის ცხოვრებაში. აღსანიშნავია, რომ ვენეციაში მხოლოდ  სან-მარკოს მოედანს ეწოდება „Piazza“, სხვა მოედნები კი „campi”-დ მოიხსენიება.

წმინდა მარკოს მოედანი სამი მხრიდან შენობებითაა შემოსაზღვრული და საფეხმავლო ზონაა. ვიზიტორებს შეუძლიათ დატკბნენ ღია კაფეებისა და მაღაზიების სიმრავლით. ერთ-ერთ ყველაზე ცნობილ კაფეს წარმოადგენს Caffe Florian, რომელიც 1720 წიდან .

ფუნქციონირებს. მოედანი მტრედების დიდი ოდენობითაც გამოირჩევა, თუმცა გაითვალისწინეთ, რომ მათი გამოკვება არალეგალურია.

სან-მარკოს მოედნამდე ვენეციის მთავარი ქუჩა, Merceria-ც მოგიყვანთ წმინდა მარკის საათიანი კოშკის თაღის გავლით. მოედნის ბოლოს Grand Canal-ი და გონდოლების გაჩერების ადგილია.

მოედნის ირგვლივ ვენეციის ისეთი მნიშვნელოვანი ღირსშესანიშნაობებია განლაგებული, როგორიცაა დაჯების სასახლე, სან-მარკოს ბაზილიკა, ბაზილიკის ცალკე მდგომი სამრეკლო,  Procuratie Nouvo, სადაც ახლა მუზეუმია განთავსებული, წმინდა მარკის ბიბლიოთეკა და სააათიანი კოშკი. აღსანიშნავია ქალაქის მფარველთათვის (Saint Mark და Saint Teodoro of Amasea) მიძღვნილი სვეტები. ერთ-ერთ სვეტს ვენეციის ფრთიანი ლომის ქანდაკება ამშვნებს.

წმინდა მარკის სამრეკლო

ვიზიტის ხანგრძლივობა: 30 წთ.

წმინდა მარკის სამრეკლო ბაზილიკის ნაწილია და სან-მარკოს მოედანზეა განთავსებული. თავდაპირველად შუქურის, მეცხრე საუკუნეში კი სათვალთვალო კოშკის დანიშნულებით გამოიყენებოდა. კოშკმა წლების მანძილზე არაერთი ტრანსფორმაცია განიცადა და მეთორმეტე-მეთოთხმეტე საუკუნეებში რამდენჯერმე თავიდან აშენდა. 1513 წელს Giorgio Spavento და Bartolome Bon-მა აღადგინეს მიწისძვრით დაზიანებული კოშკი, თუმცა 1902 წელს ჩამოინგრა და რეკონსტრუქციის შემდეგ, 1912 წელს გაიხსნა. კოშკი წარმოადგენს აგურით ნაგებ, დაახლოებით 100 მეტრის სიმაღლის შენობას. სამრეკლოში განთავსებულია 5 ზარი. წარსულში თითოეულ მათგანს განსაკუთრებული ფუნქცია ჰქონდა. ზარი „Mezza Terza“ მოსახლეობას ამცნობდა სენატის შეხვედრებს; Nona Bell-შუადღეს; ყველაზე დიდი, Marangona Bell, სამუშაო დღის დასასრულს და დასაწყისს, Trottiera საბჭოს შეხვედრებს და ყველაზე პატარა, Renghiera-სიკვდილით დასჯას. სამრეკლოს თავზე პირამიდის ფორმის კონსტუქცია და ანგელოზ გაბრიელის ქანდაკებაა. სწორედ ეს ქანდაკება არის პირველი,  რასაც ის ადამიანები ხედავენ, ვინც ვენეციას ზღვით უახლოვდება. კოშკში არის აივანი, Sansovino Loggia, რომელიც 1500-იან წლებში აშენდა.

აღსანიშნავია, რომ გალილეო გალილეი სწორედ ამ კოშკს იყენებდა ვარსკვლავებზე დასაკვირვებლად. ობსერვატორიიდან ვენეციის შთამბეჭდავი ხედი იშლება.

მისამართი: Piazza San Marco, 30124 Venice

ფასი: 8 ევრო

სამუშაო საათები: აღდგომიდან ივნისამდე:  09:00-17:00;

ივლისი-სექტემბერი  09:00-21:00; ოქტომბერი 09:00-19:00;

ნოემბრიდან აღდგომამდე  09:30-15:45

12:20 Basilica di San Marco / Saint Mark’s Basilica/წმინდა მარკის ბაზილიკა

ვიზიტის ხანგრძლივობა: 1 სთ.

 

წმინდა მარკის ბაზილიკა ვენეციის ყველაზე ცნობილი ეკლესიაა. განთქმულია ისტორიითა და ხელოვნებით. ბაზილიკა წმინდა მარკის მოედანს გადმოჰყურებს და უერთდება დოჯების სასახლეს.

მეცხრე საუკუნეში ვაჭრებმა წმინდა მარკის ნეშტი ეგვიპტიდან გამოაპარეს და ვენეციაში ჩამოიტანეს. ეს მოვლენა ტაძრის გარე ფასადზე, მსოფლიოში ყველაზე ძველ მოზაიკაზეა გამოხატული  (1260-70წწ.).  ტაძარი სწორედ წმინდანის ნეშტის განსათავსებლად იქნა აგებული, მაგრამ დაახლოებით 150 წლის შემდეგ დაიწვა.  1071 წელს თავიდან მოხდა მისი აშენება ძველი ტაძრისგან დარჩენილი ნანგრევების გამოყენებით და საუკუნეების მანძილზე გრძელდებოდა შენობის მოჩუქურთმება.  გვერდით მდებარე დოჯების სასახლის რეკონსტრუქციისას  ბაზილიკაც განახლდა და გოთიკური არქიტექტურის ელემენტები დაემატა. წმინდა პეტრეს ბაზილიკა დოჯების პირად სამლოცველოს წარმოადგენდა, თუმცა 1807 წელს ვენეციის კათედრალად გამოცხადდა.

შენობას ბერძნული ჯვრის დიზაინი აქვს, ერთი ცენტრალური  და ოთხი დამატებითი გუმბათით. ეკლესიაში შეხვდებით ხელოვნების ნიმუშებს რამდენიმე განსხვავებული პერიოდიდან.  შესასველი მეთერთმეტე-მეთორმეტე საუკუნის მარმალილოს მოზაიკითაა მოპირკეთებული, მოზაიკა ფარავს ინტერიერის დიდ ნაწილს. საკურთხეველთან Pala d’Oro-ს ნახავთ, ძვირფასი ქვებით მოპირკეთებულ ოქროს პანელს.  შეხვდებით სანსოვინოს ქანდაკებებსაც.

მისამართი: San Marco, 328, 30124, ვენეცია

ფასი: ბაზილიკა-უფასო; Museo Marciano 4€,  Pala d’Oro 2€

სამუშაო საათები: Basilica, Tesoro, და Pala d’Oro: ზაფხულში ორშაბათიდან-შაბათის ჩათვლით 09:45-17:00

აღდგომიდან ივნისამდე:  09:00-17:00;

ივლისი-სექტემბერი  09:00-21:00; ოქტომბერი 09:00-19:00;

ნოემბრიდან აღდგომამდე  09:30-15:45

13:25 Palazzo Ducale / Doge’s Palace

ვიზიტის ხანგრძლივობა: 1 სთ.

მდებარეობა: 3 წუთის სავალზე სან მარკოს ბაზილიკადან

დოჯების სასახლე არქიტექტურის მონუმენტური ნიმუშია.  ის საუკუნეების განმავლობაში ასრულებდა ვენეციის მმართველის, დოჯის და მისი გარემოცვის სამყოფელის ფუნქციას. პოლიტიკური გადაწყვეტილებების მიღება სწორედ აქ ხდებოდა და ამის გამო  შესაძლოა ითქვას, რომ დოჯების სასახლე ვენეციის ყველაზე მნიშვნელოვანი ღირსშესანიშნაობაა.

მეშვიდე საუკუნიდან ვენეციას ადგილობრივი მმართველები-დოჯები მართავდნენ. მიუხედავად იმისა, რომ ვენეცია ბიზანტიის იმპერატორის მმართველობის ქვეშ იყო, გარკვეული დამოუკიდებლობა მაინც ჰქონდა შენარჩუნებული. მეათე-მეთერთმეტე საუკუნეებში დოჯი, მისი გარემოცვა, საჯარო ოფისები, სასამართლო დარბაზები, აპარტამენტები, თავლები, ციხე, იარაღის საწყობი და სხვა სამოქალაქო დაწესებულებები გადავიდა ქალაქის იმ ნაწილში, სადაც ახლა დოჯების სასახლე მდებარეობს. ეს ტერიტორია შედარებით უსაფრთხოდ მიიჩნეოდა, ვინაიდან სქელი კედლებით და კოშკებით იყო გარშემორტყმული. ახლანდელი სასახლის შენობა თავდაპირველად მეთოთხმეტე-მეთხუტმეტე საუკუნეებში აშენდა, თუმცა წლების მანძილზე ემატებოდა სხვადასხვა დეტალი.

დოჯების სასახლე წარმოადგენდა ვენეციის მმართველთა ადმინისტრაციულ ოფისს. აქ იყო განთავსებული ციხეც. მე-17-ე საუკუნეში ციხე გამოეყო სასახლეს და არხის მეორე მხარეს ახალ შენობაში დაიდო ბინა. 1797 წელს, ვენეციის რესპუბლიკის დაცემის შემდეგ, ქალაქი ფრანგებმა და ავსტრიელებმა დაიპყრეს. საბოლოოდ, 1866 წელს ვენეცია ერთიან იტალიას შეუერთდა. 1996 წელს სასახლე მუზეუმად გადაკეთდა.

14:25 Ponte dei Sospiri / Bridge of Sighs/ოხვრის ხიდი

ვიზიტის ხანგრძლივობა: 15 წუთი.

ოხვრის ხიდი დოჟების სასახლეს ძველ ციხესთან აერთებს. მისი მეშვეობით მსჯავრდებულები სასამართლოდან პირდაპირ ციხეში მიემერთებოდნენ. ხიდის სახელის წარმოქმნასთან დაკავშირებით რამდენიმე ვერსიაა. პირველი ვერსიით სახელწოდება უკავშირდება მსჯავრდებულთა ოხვრას, რომლებიც ხიდიდად უკანასკნელად ხედავდნენ ვენეციას და თავისუფლებას.

კიდევ ერთი ვერსიით სახელწოდებას რომანტიკული ფესვები აქვს და გონდოლით მოსეირნე შეყვარებულებს უკავშირდება.

ლორდმა ბაირონმა უკვდავება შესძინა ხიდს თავისი შემოქმედებით:  „I stood in Venice on the Bridge of Sighs, a palace and prison on each hand.”

ფილმის “A little Romance” მეშვეობით შეიქმნა ლეგენდა, რომელიც სამუდამო სიყვარულს ჰპირდება გონდოლით მოსეირნე იმ წყვილებს, რომლებიც მზის ჩასვლისას ოხვრის ხიდის ქვეშ ჩავლისას აკოცებენ ერთმანეთს მაშინ, როცა სან მარკოს ეკლესიის ზარები დარეკავენ.

ხიდი ააგო ანტონიო კონტიმ XVII საუკუნეში და მორთულია ბაროკოს სტილში.

14:40 Riva degli Schiavoni

ვიზიტის ხანგრძლივობა: 1 სთ და 30 წთ.

წყლისპირა სასეირნო ადგილი მდებარეობს სან მარკოს მოედანსა და არსენალს შორის  და გადაჰყურებს კუნძულს San Giorgio Maggiore. შეიქმნა მეცხრე საუკუნეში. ამ ადგილას დღესაც, ისევე როგორც მეთხუთმეტე საუკუნეში, იმართება ბაზრობა.

16:10 San Zaccaria/წმინდა ზაქარიას ტაძარი

ვიზიტის ხანგრძლივობა: 45 წთ.

წმინდა ზაქარიას ტაძარი აშენდა მეცხრე საუკუნეში, თუმცა თავდაპირველი ვერსია ხანძარმა  1105 წელს გაანადგურა. მეთორმეტე და მეთოთხმეტე საუკუნეებში თავიდან აშენდა, ამჯერად გოთიკურ სტილში. ტაძრის იმ  ვერსიის მშენებლობა, რომელსაც დღეს ვხედავთ, 1515 წელს დასრულდა.

ეკლესიას ბიზანტიური სტილის სამრეკლო და გოთიკური ელემენტები აქვს, თუმცა ძირითადად რენესანსულ სტილშია ნაგები. ეკლესიის ინტერიორი არაერთი ცნობილი მხატვრის მიერაა მოხატული.

Address: Campo San Zaccaria, 4693, 30122 Venice

სამუშაო საათები: ორშაბათი-შაბათი 10:00-12:00 ; 16:00-18:00

შესვლა: უფასო